Një paralajmërim i fortë vjen së fundmi nga eksperti i Shëndetit Publik Erion Dasho.
Ky i fundit ka parashikuar se sistemi shëndetësor shqiptar mund të shkojë në kolaps të plotë brenda pak javësh në rast se nuk merren masa urgjente.
Sipas Dashos nuk është punë maskash por duhet zbatuar urgjentisht trinomi: Testo-gjurmo-trajto.
“Pas një stabilizimi në dukje gjatë periudhës gusht-shtator, përhapja e COVID gjatë muajit tetor paraqet një rritje të rrezikshme. Me një mesatare ditore pre 180 rastesh (237 gjatë javës që kaloi), situata kërkon vëmendje emergjente.
Në se nuk merren masa të menjëhershme dhe kjo tendencë vazhdon, brenda pak javëve do të tejkalohet mundësia e përgjigjes së sistemit shëndetësor.
Nuk është punë maskash! Duhet nisur urgjentisht nga zbatimi i trinomit testo-gjurmo-trajto!”, shkruan Dasho, ndërsa publikon grafikun e mëposhtëm.