Çfarë po ndodh në Itali? Kryeministri prezanton masat e rrepta anti-COVID: Nuk mund të humbasim kohë

Vijojnë masat shtesë anti përhapjes së COVID19 në rradhën e shteteve europiane.

Një prej tyre është dhe Italia, e cila ka njoftuar shtrëngimin e disa rregullave.

Gjatë një konference për shtyp, kryeministri Giuseppe Conte ka autorizuar kryetarët e komunave dhe bashkive të mbyllin vendet publike pas orës 21:00.

Disa nga masat e tjera që qeveria italianë ka marrë janë:

-Mbyllja në orën 18.00 e të gjitha lokaleve, bareve dhe pubeve.

-Mbyllja në orën 24.00 e lokaleve e restoranteve. Lejohen vetëm 6 persona në tavolina dhe një numër maksimal i përcaktuar paraprakisht i klientëve në lokal.

-Shkollat nuk do të mbyllen, por për nxënësit e ciklit të lartë dhe studentët hyrja në shkollë do të bëhet me turne dhe gjimnazet rekomandohen të kryejnë mësimin online.

-Nuk lejohet mbajtja e kongreseve dhe organizimi i panaireve. Lejohen vetëm konferenca me rëndësi kombëtare.

-Administrata publike duhet zhvillohet mbledhje vetëm në telekonferenca.

“Ne nuk mund të humbasim kohë, duhet të vendosim masa për të shmangur një bllokim të përgjithësuar që mund të kompromentojë rëndë ekonominë”, tha kryeministri Conte gjatë një fjalimi televiziv të dielën në mbrëmje.

Kujtojmë se këto masa shtrënguese erdhën pas rritjes së ndjeshme të rasteve të reja dy ditët e fundit.

Këtë të dielë, në Itali u regjistruan 11.705 raste të reja.

Italia ishte kombi evropian më i goditur në fillim të pandemisë. Deri tani ka regjistruar 414,000 raste të konfirmuara të koronavirusit. Ndërsa kanë humbur jetën 36,500 persona.