Çfarë ndodhi në Tiranë? Me shpejtësi skëterrë, ja si e pësojnë në fund shoferët ‘tapë’ në timon (VIDEO)

Me anë të një njoftimi zyrtar, Policia Rrugore bën me dije se pavarësisht kontrolleve të shtuara dhe të alternuara në rrugët interurbane dhe urbane në fundjavë, ka evidentuar një numër të konsiderueshëm shkeljesh, kryesisht ato mbi normat e shpejtësisë dhe drejtimi i mjeteve nën efektin e alkoolit.

Sipas të dhënave, 11 Leje Drejtimi janë pezulluar për shpejtësi që varionin nga 139 km/h deri në 176 km/h dhe 12 Leje Drejtimi janë pezulluara për drejtim mjeti nga të dehur dhe 3 shoferë të pirë janë arrestuar.

Patrullimi policor po vijon në terren me efektivë të planifikuar enkas në zonat me rrisk për aksidente rrugore, me qëllim rritjen e sigurisë në rrugë dhe parandalimin e ngjarjeve rrugore që vijnë si pasojë e shpejtësisë mbi normat e lejuara dhe drejtimit te mjeteve nën efektin e alkoolit.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern