“Çfarë borxhi të ka Shqipëria?” Rama i përgjigjet urgjent Metës: Pse duhet të durojë shkallimet e tua

Pas deklaratës së Ilir Metës se do të japë dorëheqjen në rast se Edi Rama zbulon emrin e subjektit të OFL që tha se Presidenti e ka takuar, ka ardhur dhe reagimi i  kryeministrit.

Ky i fundit shkruan se Shqipëria nuk i ka asnjë borxh Metës që të durojë këto reagime, të cilat Rama i cilëson si “shkallime”.

Sipas tij,  deklaratat e Metës sekëlldisin jo veç të gjallët po edhe të rënët për liri të këtij vendi.

Ajo që vihet re është se Rama nuk ka përmendur asnjë rresht në lidhje me akuzat e tij për subjektin e OFL.

“Ilir çfarë borxhi të ka Shqipëria që të bëri kryeministër, kryeparlamentar, president dhe duhet të durojë shkallimet e tua të përditshme, që sekëlldisin jo veç të gjallët po edhe të rënët për liri të këtij vendi, të cilëve u je qepur me dekoratat e me fjalimet e tua qesharake!”- shkruan Rama.