Arti në zi, ndahet nga jeta muzikanti i njohur shqiptar

Një tjetër muzikant i njohur është ndarë nga jeta në vend. Mësohet se mbrëmë ka ndërruar jetë kitaristi, Mehdi Prodani në moshën 91 vjeçare.

Lajmi i hidhur është bërë i ditur këngëtari Voltan Prodani, nëpërmjet një statusi në rrjetet sociale.

“Lamtumire i shtrenjti yne! Babai i Kitares.Mehdi Prodani. I dashur Mehdi! Na lendove keq,, me ikjen tende te qete sot papritur, ti ishe mjeshtri virtuoz i kitares. I paharruar do jesh ne zemrat tona! Lamtumire Mehdi Prodani Te engjejt aty lart te prehesh o i shtrenjti yne.”- shkruan ai.

Kujtojmë se Mehdi Prodani vlerësohet si një ndër kitaristët më të mëdhenj të Shqipërisë. Prodani shërbeu si mësues në kitare për shumë të rinj, mes të cilëve këngëtares së madhe, Vaçe Zela.