Ana e ‘errët’ e virusit/ Çfarë po ndodh në shkollat shqiptare? Vijnë përgjigjet që po prisnim

Ekspertja e Inspektoratit Shëndetësor Publik, Eugena Tomini, foli në rubrikën “Opinion”, në News24, për ecurinë e vitit të ri shkollë në kohën e pandemisë së koronavirusit.

Tomini tha se strukturat arsimore dhe prindërit kanë zbatuar me përpikmëri masat anti-Covid, duke theksuar se ka pasur edhe raste infektimi, ku janë marrë masat e izolimit të personave, apo edhe të një klase.

Sipas ekspertes së ISHP, është ende shumë shpejt për të folur për një skenar të errët të mbylljes së shkollave, duke shtuar se aktualisht ekzistojnë disa skenarë për situata të ndryshme, me të cilat mund të përballemi në vijim.

“Ka pasur sensibilizim nga të gjitha strukturat arsimore, por edhe nga prindërit, për të zbatuar me përpikmëri masat. Kemi evidentuar kontakte të ngushta dhe i kemi izoluar. Nga ana tjetër kemi izoluar një klasë të tjerë, por nuk kemi evidentuar raste pozitive të kontaktit të të infektuarit. Ekzistojnë disa skenarë, nëse do të ketë shpërthim të virusit, por është ende herët. Jemi duke monitoruar në mënyrë intensive për të evidentuar në kohë çdo rast. Jemi akoma herët për të thënë nëse do të shkojmë drejt një skenari të errët, për mbylljen e shkollave”, tha Tomini.

Ndërkohë, Tomini iu përgjigj pyetjes së një prindi, i cili ngrinte shqetësimin se “Fëmija im kishte temperaturë, e hoqa nga shkolla, i bëra tamponin, por kam katër ditë që nuk marrë përgjigje. Si do bëhet me të?

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Tomini: Një personi që i merret tamponi nuk do të thotë që rasti është negativ. Nuk nxitojmë për ta kthyer direkt në shkollë, pasi së pari na intereson shëndeti. Mund të kemi edhe mësues që iu del tamponi në shkollë, por nuk duhet të nxitojmë për t’i kthyer në shkollë, sepse shenjat mund të dalin më vonë. Zotëria mund të më kërkojë ndihmë mua ose strukturave përkatëse, por e theksoj se në periudhë pandemie mund të kemi vonesa në përgjigje, por jo neglizhencë. Në rastin në fjalë mund të interesohem dhe të marrë informacion të detajuar, por edhe nëse fëmija del negativ, ai nuk mund të kthehet direkt në shkollë.

Marrë nga BalkanWeb