Edhe pse kanë kaluar tashmë më shumë se 10 muaj nga shfaqja e pandemisë së COVID19 në botë, duket se disa shtete në Europë po përjetojnë një ringjallje të rasteve të reja.
Kjo po ndodh pasi këto vende arritën të ngadalësonin me sukses shpërthimet në fillim të vitit 2020.
Por sa i fortë ka qenë ky rikthim i COVID 19 dhe a mund të krahasohet me numrat e infeksioneve të parë në pranverë?
Euronews bën me dije se shtetet e Europës jug-lindore të tilla si Shqipëria, Bullgaria, Mali i Zi, Maqedonia e Veriut dhe Rumania – po shohin numra më të lartë të rasteve në gusht sesa ata më parë të vitit.
Serbia është një nga përjashtimet, duke postuar shifra të ngjashme tani me ato në mes të prillit.
Në anën tjetër, Kroacia, Greqia dhe Malta duket se po përjetojnë një rritje në raste me numra edhe më të lartë gjatë javës së kaluar krahasuar me valën e parë.
Ndërsa Republika Çeke regjistroi një rekord të ri prej 1,161 rastesh më 8 shtator.
Belgjika, Italia dhe Britania e Madhe – ndër vendet më të goditura të Evropës – po shohin një ringjallje, por, të paktën deri më tani, jo si në mars dhe prill. Më 6 shtator, Mbretëria e Bashkuar kaloi 2,000 raste të përditshme.
Franca, Polonia, Holanda dhe Spanja ka të ngjarë të jenë të frikësuan se “do të merren” me valën e dytë dhe kanë filluar të marrin masa për ta frenuar atë.
Franca deklaroi 8,975 raste të reja më 4 shtator – shifra më e lartë e regjistruar ndonjëherë.