U rrëmbye nga shirat e dendur, stuhia e frikshme i merr jetën shqiptarit në Greqi

Një fermer shqiptar ka humbur jetën në Greqi për shkak të stuhisë “Ianos” që ka përfshirë vendin.

Mediat greke raportojne se njëri nga dy të zhdukurit u gjet i vdekur në Karditsa dhe trupi i viktimës i përkiste një 63-vjeçari me origjinë shqiptare.

Bëhet e ditur se djali i tij po e kërkonte që prej ditës së djeshme, pasi ishte zhdukur për shkak të motit të keq. 63-vjeçari u gjet i vdekur nga ekuipazhet e Brigadës së Zjarrit dhe djali i tij në zonën prapa spitalit të Karditsa.

Kështu, numri i të vdekurve nga moti i keq arrin në dy, ndërsa kërkimet vazhdojnë për 40-vjeçaren e cila u mor apara nga lumi Pamisos në Mouzaki, teksa udhëtonte me makinën e saj.

Stuhia Ianos është përshkruar si uragan mesdhetar dhe deri më tani raportohet për disa persona të humbur.