LIGJET E BIZNESIT
Kohët e fundit, Turqia është përpjekur të ngrejë çështjen e militarizimit të ishujve të Egjeut nga Greqia, duke argumentuar se kjo është e paligjshme dhe po shkel Traktatet e Paqes të Lozanës (1923) dhe Parisit (1947).
Por nuk janë vetëm ankesat kundër Greqisë, të cilave zyrtarisht u janë përgjigjur shumë herë deri më sot Ministria Greke e Punëve të Jashtme. Duke përdorur mediat pro-qeveritare, Ankaraja krijon në mënyrë metodike, përgatit opinionin publik turk për ndërhyrje ushtarake në mënyrë që të ‘çarmatosë ishujt grekë’.
Në këtë kontekst, gazeta pro-qeveritare Yeni Safak, e konsideruar si nxitësi kryesor i lajmeve të rreme të Turqisë, vazhdon të publikojë deklarata nga “ekspertët” turq mbi çështjen e militarizimit të ishujve të Egjeut nga Greqia.
Në mënyrë provokuese gazeta arrin në pikën e kërcënimit të Greqisë me një pushtim ushtarak në mënyrë që të “rivendosë legjitimitetin” e supozuar.
Kështu në artikullin e së enjtes titulli është: “Ishujt e Armatosur: Turqia mund të vendosë një afat kohor. Nëse Greqia nuk bën një hap, atëherë lind e drejta për mbrojtje ligjore ”.
“Tensionet e fundit ushtarake në Mesdheun Lindor kanë ngritur edhe një herë çështjen e ishujve që Greqia ka që nga viti 1960. Sipas ligjit ndërkombëtar, ishujt me një status ushtarak dhe që duhet të çmilitarizohen janë një kërcënim për sigurinë kombëtare të Turqisë” , thuhej në shkrim duke cituar një profesor turk të së drejtës ndërkombëtare. Profesori tha se nëse Greqia nuk i çmilitarizoi ishujt, Turqia ka të drejtën e “vetëmbrojtjes”, edhe me një operacion ushtarak kundër Greqisë.
Profesori i së drejtës ndërkombëtare Selami Kuran thotë se Turqia mund të ndërmarrë disa hapa në këtë drejtim dhe thotë:
“Duhet të jepet një afat zyrtar për çarmatimin e këtyre ishujve. Ky afat përcaktohet nga shteti. Nëse pas këtij afati, Greqia nuk ndërmerr hapat e nevojshëm për t’u kthyer në ishuj me statusin e çmilitarizuar, atëherë Turqia, sipas Nenit 51 të Kartës së KB, mund të ngrejë çështjen e së drejtës ligjore të mbrojtjes për shkak të një kërcënimi të drejtpërdrejtë të saj”, shkruan Yeni Safak.
Pozicioni dhe përgjigja e palës greke kundrejt shkrimit turk
Për më shumë bëhu pjesë e grupit më viral në Facebook, Dosja.al
Përballë provokimeve turke, Greqia, si çdo shtet tjetër sovran në botë, nuk mund të heqë dorë nga e drejta e saj natyrore dhe ligjore për mbrojtje, në rast të një kërcënimi ndaj ishujve të saj ose ndonjë pjese tjetër të territorit të saj. Veçanërisht në një kohë kur Turqia, në shkelje të dukshme të Kartës së Kombeve të Bashkuara, po e kërcënon atë me luftë, nëse ushtron një të drejtë legjitime dhe sovrane të dhënë asaj nga e drejta ndërkombëtare.
Përveç kërcënimit të luftës, Turqia:
Pushtoi Qipron në 1974, në kundërshtim me dispozitat e Traktatit të Garancisë për Qipron, në të cilën Greqia është palë, dhe, pavarësisht vendimeve të shumta nga Këshilli i Sigurimit dhe Asambleja e Përgjithshme e KB, vazhdon të mbajë forca të konsiderueshme ushtarake në territor.
Shkel sistematikisht hapësirën ajrore kombëtare greke dhe fluturon mbi ishujt grekë të Egjeut, një fakt që ka një rëndësi të veçantë për sa i përket çështjeve të sigurisë.
Gjatë dekadave të fundit, ajo mban njësi të rëndësishme ushtarake me mjete ajrore dhe anije amfibi në zonat e bregdetit të Azisë së Vogël, të vendosura përballë ishujve Grekë, një fakt që përbën një kërcënim serioz dhe të drejtpërdrejtë për Greqinë.
Situata e lartpërmendur, e kombinuar me kërcënimin e luftës dhe tendencën e përgjithshme revizioniste të Turqisë në lidhje me statusin territorial dhe ligjor të ishujve Grekë detyron dhe legjitimon Greqinë të vazhdojë me të gjithë përgatitjen e nevojshme dhe forcimin e mbrojtjes, që do ta lejojë atë të ushtrojë, nëse është e nevojshme, të drejtën e mbrojtjes ligjore, të parashikuar nga neni 51 i Kartës së Kombeve të Bashkuara dhe për të mbrojtur ishujt grekë.
Marrë nga: Protothema
Përshati në shqip: A.K.dosja.al
