Në prag të fillimit të vitit të ri shkollor, kryeministri Edi Rama ka folur për këtë periudhë të cilën ai e ka konsideruar si më të vështirën, jo vetëm për fëmijët por edhe për prindërit e tyre.
Teksa përuronte hapjen e një shkolle të re në Vlorë, kreu i qeverisë u shpreh se kostoja psikologjike që të mbahen fëmijët në shtëpi është shumë e lartë.
Ndërkohë ai nuk ka lënë pa përmendur dhe të birin e tij, Zahon duke thënë se do të jetë shumë e vështirë që ta mbajë larg shokëve ose ti shpjegojë se përse duhet të lajë duart.
“Na është dashur ta marrim këtë vendim shumë të vështirë. Vendim i vështire sepse edhe pse thuhet dhe faktet thonë se fëmijët janë më pak të rrezikuar, e para unik është e vërtetë për të gjithë fëmijët kjo. E dyta fëmijët vetë mund të jenë më pak të rrezikuar, por janë transmetues.
Pra e marrin dhe e shëllin në shtëpi. Do kemi prapë rritje të numrave. Por nga ana tjetër kostoja psikologjike e mos hapjes së shkollave dhe e mbajtjes së fëmijëve në shtëpi është e madhe dhe pasojat që mund të lërë kjo ndarje kaq e gjatë me shkollën janë të mëdha. Kështu që mes të dyjave ne bëmë këtë zgjedhje. Por në këtë zgjedhje rolin e posaçëm e keni ju.
Të jesh strikt, por të jesh i duruar sepse nuk bëhet kjo me britma, me ulërima me imponim, por duhet me shpjegim. Hajde shpjegoja Zahos pse nuk duhet të takohesh me shokun, pse duhet të mbash maskën, pse duhet të lash duart…hajde shpjegoja. Shumë i vështirë”, deklaroi Rama në fjalën e tij.