Shpërthen fabrika e madhe kimike, ka viktima (VIDEO)

Pas virusit, kryeqendra e shumëpërfolur tashmë, Wuhani në Kinë është prekur ditën e sotme nga një shpërthim i fuqishëm.

Një fabrikë kimikë ka shpërthyer, ku për pasojë kanë mbetur të vrarë të paktën 5 persona dhe një tjetër është plagosur, sipas informacioneve të burimeve zyrtare. Shpërthimi ndodhi rreth orës 2:15 të kësaj të hëne gjatë kohës që pajisjet e kësaj fabrike po testoheshin.

Personi i plagosur është dërguar në spital në përpjekje për t’u shpëtuar , shprehen autoritetet shtetërore.

Pamjet e filmuara nga dëshmitarët tregojnë tymnaja të mëdha resh tymi që përhapen në qiell.

Tymi i verdhë i lëshuar nga uzina mund të tregojë një rrjedhje të acidit nitrik, i tha një banor i zonës “The Beijing News”. Autoritetet në Hubei thanë se shpërthimi ndodhi në një fabrikë kimike në pronësi të Tianmen Chutian Fine Chemicals Company që prodhon produkte farmaceutike të përdorur në prodhimin e barnave.