Digjet gjatë natës makina e biznesmenit Elis Bahushi në qytetin e Elbasanit.
Ngjarja ka ndodhur në lagjen “28 nëntori” dhe bëhet fjalë për një mjet tip “Porsche” me targë AA007.
Dyshohet se zjarrvënia është e qëllimshme, ndërkohë policia vijon hetimet për zbardhjen e rrethanave.
Emri i 35-vjeçarit nuk është i panjohur për drejtësinë.
Ai akuzohet si i përfshirë në ngritjen e laboratorit të përpunimit të heroinës në Has, duke patur rolin e transportuesit të lëndës narkotike dhe përbërësve të saj nga Turqia në Shqipëri.
Pak kohë më parë Operacioni ‘Forca e Ligjit’ i ka kërkuar biznesmenit deklarimin e pasurisë, pasi ai ka qenë i dënuar për veprat penale “Prodhimi dhe shitja e narkotikëve” dhe “Pastrimi i produkteve të veprës penale”.
Brahushi dhe familja e tij prej më shumë se 25 vitesh ushtrojnë aktivitetin e tyre tregtar në Elbasan, kryesisht në fushën e veshjeve dhe metrazheve.
Furnizimin me lëndë të parë familja Bahushi e kryente në Turqi dhe për këtë arsye ka dyshime nga prokurorisë se, dy ekspertët turq, të cilët janë shpallur në kërkim nga policia shqiptare të jenë dërguar në vendin tonë nga 35-vjeçari