Policia e Durrësit ka arrestuar ditën e sotme një 54-vjeçme inicialet E. S., banues në qytetin e Krujës, I cili ka ushtruar dhunë psikologjike dhe fizike ndaj bashkëshortes së tij, si dhe ka ngacmuar s*ksualisht të bijën e tij të mitur.
Gjithashtu Policia e Durrësit bën me dije se ka arrestuar shtetasin B. S., i cili është dënuar nga gjykata me 6 muaj heqje lirie për veprën penale “Vjedhja e energjisë elektrike”. Gjithashtu është ndaluar një 29-vjeçar I cili ka aksidentuar rëndë një kalimtar. Materialet i kaluan Prokurorive të Rretheve Gjyqësore Krujë dhe Durrës, për veprime të mëtejshme.
Njoftimi i plotë i policisë: Durrës / Vijon puna për parandalimin dhe goditjen e paligjshmërisë. Arrestohen në flagrancë 3 shtetas, për vepra të ndryshme penale.
Specialistët për Hetimin e Krimeve në Komisariatin e Policisë Krujë, në vijim të punës për parandalimin e përshkallëzimit të dhunës në familje, arrestuan në flagrancë shtetasin: E. S., 54 vjeç, banues në Krujë, pasi, në banesë, ka ushtruar dhunë fizike dhe psikologjike ndaj bashkëshortes së tij, si dhe ka ngacmuar s*ksualisht vajzën e tij të mitur.
Specialistët për Hetimin e Krimeve në Komisariatin e Policisë Durrës, në vijim të punës për kapjen e personave në kërkim dhe vënien e tyre para përgjegjësisë penale, ndaluan shtetasin B. S., pasi Gjykata e Shkallës së Parë Durrës e ka dënuar me 6 muaj burg, për veprën penale “Vjedhja e energjisë elektrike”.
Specialistët e Qarkullimit Rrugor në Drejtorinë Vendore të Policisë Durrës arrestuan në flagrancë shtetasin Xh. J., 29 vjeç, banues në Durrës, sepse më datë 17.09.2020, në lagjen nr. 13, Durrës, duke drejtuar mjetin tip “Audi”, ka aksidentuar këmbësorin me iniciale A. R., 64 vjeç, banues në Durrës, i cili ndodhet në spital, nën kujdesin e mjekëve.
Materialet i kaluan Prokurorive të Rretheve Gjyqësore Krujë dhe Durrës, për veprime të mëtejshme.
