Ish-kryeparlamentarja Jozefina Topalli njihet për deklaratat e forta që bën herë pas here në lidhje me aktualitetin politik në vend.
Së fundmi ajo është shprehur që janë tre oligarkë të cilët vendosin sot për fatin e shqiptarëve.
Sipas Topallit ata janë Lulzim Basha, Edi Rama dhe Ilir Meta së bashku me bashkëshorten e tij Monika Kryemadhi.
Ish-kryeparlamentarja gjithashtu deklaroi se Partia Demokratike nëse nuk do të kishte një lidership të pakorruptuar do të vinte në pushtet dhe Rama nuk do e merrte dot mandatin e tretë.
Ajo shtoi se kurrë më parë opozita nuk është shitur më shumë se tani.
“Tre oligarkë s’mund të vendosin për shqiptarët. Tre oligarkë që janë Lulzim Basha, Edi Rama dhe Ilir Meta bashkë me bashkëshorten e tij. Është një krizë ekonomike, krizë shëndetësore, krizë psikologjike që nuk tolerohet. Ata që e kanë çuar vendin buzë greminës kanë emra. Edi Rama i bën këto lëvizje se opozita i ka tradhtuar ata njerëz që ishin kundër Ramës dhe e ka lënë bosh atë fushëbetejë. Nëse do denonconte çdo korrupsion. Kurrë nuk është shitur opozita, as nga e majta e as nga e djathta. Nëse PD do kishte një lidershp të pakorruptuar, sigurisht që do vinte në pushtet dhe Rama s’do e merrte mandatin e tretë”, theksoi Topalli gjatë deklaratës së saj.
