Rama bën lëvizjen që nuk pritej/ ‘Sposton’ Vangjush Dakon në Durrës, ja kë emëron në vend të tij

Kryeministri Edi Rama pasi u caktua si drejtues politik për Qarkun e Durrësit, ka bërë një tjetër lëvizje të rëndësishme.

Ai ka vendosur të emërojë Ardian Çelën si koordinator për këtë zonë.

Më parë këtë detyrë në strukturat e PS e mbante ish-kryetari i Bashkisë Durrës Vangjush Dako, emri i të cilët tashmë ndodhet në listat e zeza të Departamentit Amerikan të Shtetit.

Ndërkohë ditën e djeshme në mbledhjen e mbajtur në kuadër të takimeve me drejtuesit politikë ishte i pranishëm dhe Ardian Çela, ndërsa u diskutua për problematikat në sektorin publik dhe organizimin e brendshëm të PS-së.

Çela konsiderohej si krahu i djathtë i Dakos në fushatat zgjedhore të PS, ndaj dhe duket se zëvendësimi më shumë ngjan me një lëvizje taktike të kreut socialist.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern