Ditën e sotme policia vuri në pranga pedagogun e Shkencave Sociale në universitetin e Korçës Alket Dinon dhe sekserin e tij Xhevi Dervishi.
Të dy akuzohen se kanë marrë para në këmbim të dhënies së provimeve dhe marrjes së notës nga studentët.
Por, në një vështrim të profilit të tij në rrjetet sociale, sekseri Dervishi shfaqet mjaft i kuruar në detaje dhe me puro në dorë.
Mbi të gjitha duket i vendosur në ato që thotë dhe në synimet që i ka vënë vetes, pak rëndësi ka mënyra.
“Puno fort, ji i sjellshëm dhe gjëra të mahnitshme do të ndodhin!”- shkruan Dervishi në njërën prej fotove.
Tashmë Dervishi është vënë në pranga. bashkë me pedagogun e Korçës, Alket Dino, pasi akuzohet se merrte para nga studentët në këmbim të provimeve.
Arrestimi i tyre është bërë pranë Fakultetit, teksa i janë gjetur edhe një sasi prej 300 eurosh dhe 50.000 lekë, të cilat nga hetimet e kryera dyshohet se i kanë përfituar në mënyrë të kundërligjshme nga studentët, të cilat u sekuestruan në cilësinë e provës materiale. Hetimet janë kryer nga Specialistët për Hetimin kundër Korrupsionit në Drejtorinë Vendore të Policisë Korçë, nën drejtimin e SPAK.