Policia i ndaloi të protestonin/ Mjekët i shkojnë Ramës në zyrë, ja 4 kërkesat urgjente që kanë

Mjekët e QSUT paralajmëruan një protestë për ditën e sotme që ishte parashikuar të mbahej në 10.00, por policia nuk u ka dhënë leje për shkak të situatës nga COVID19.

Por ata kanë marrë një vendim tjetër, për të shkuar në kryeministri.

Bëhet fjalë për 5 mjekët, Gentian Stroni, Altin Kuqo, Fatos Olldashi, Arjan Harxhi dhe Arjan Mezini.

Mësohet se në takim është e pranishme dhe ministrja e Shëndetësisë Ogerta Manastirliu dhe drejtori i QSUT Enkel Joti.

Që në fillim të bisedës mjekët i kanë kërkuar kryeministrit Edi Rama plotësimin e 4 kërkesave që kanë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Kërkesat e mjekëve dhe infermierëve: 

-Të shpallen dëshmorë të kombit të gjithë ata pjesëtarë të personelit shëndetësor të cilët humbin jetën në këtë luftë me këtë armik të padukshëm

-Të bëhet sigurimi i jetës së personelit shëndetësor, me qëllim që familjet e tyre të mund të vazhdojnë jetën edhe pas fatkeqësive të mundshme në këtë luftë.

-Rritje të vlerësueshme e trajtimit financiar të personelit shëndetësor.

-Personeli shëndetësor të çdo niveli t’i sigurohen të gjitha kushtet optimale në punë për parandalimin e infeksionit sipas të gjitha standardeve kombëtare dhe ndërkombëtare.