LIGJET E BIZNESIT
Një ngjarje e rëndë ka ndodhur natën që sapo lamë pas në Peqin.
Bëhet fjalë për një konflikt me motive të dobëta, i cili i ka kushtuar jetën një 64-vjeçari.
Sipas policisë, rreth orës 23:30 Shyqeri Hema nga fshati Lolaj u përfshi në një debat me Sefedin Çelmetën, 51 vjeç, i cili përdori gurë për të qëlluar viktímën.
Hema nuk mundi ti mbijetonte plagëve të marra dhe si pasojë ka humbur jetën në spitalin Rajonal të Elbasanit.
Policia mbërriti menjëherë në vendngjarje dhe arrestoi Sefedin Celmeten, autorin e dyshuar mbi të cilin tashmë do të rëndojë akuza për vrasje me dashje.
“Specialistët për Hetimin e Krimit në Komisariatin e Policisë Peqin, arrestuan në flagrancë shtetasin: S.Ç., 51 vjeç, banues në fshatin Lolaj, Peqin.
Arrestimi i tij u bë pasi më datë 10.09.2020, rreth orës 23:30 , në fshatin Lolaj, Peqin, gjatë një kònflikti të çastit për motive të dobëta shtetasi S.Ç ka goditur me mjet të fortë ( gurë), shtetasin Sh.H., 64 vjeç, banues në fshatin Lolaj, Peqin, i cili si pasojë e plagëve të marra ka ndërruar jetë sapo ka mbëritur në Spítalin Rajonal të Elbasanit.
Materialet hetimore i kaluan Pròkurorisë pranë Gjykatës së Shkallës Parë Elbasan, për veprën penale, “Vrasje me dashje””, thuhet në njoftimin zyrtar të policisë.
