Moti i keq bën namin në Vlorë/ Ja dëmet e mëdha që ka shkaktuar era e fortë

Moti i keq që ka përfshirë vendin tonë me hyrjen e stinës së vjeshtës ka shkaktuar pasojat e para.

Mësohet se në qytetin e Vlorës, konkretisht në pjesën e Lungomares janë rrëzuar pemë dhe kabina të cilat qëndronin aty gjatë sezonit turistik.

Gjithashtu edhe pemët janë rrëzuar gjatë pyllit të sodës.

Ka patur probleme me energjinë elektrike dhe në fshatra si pasojë e erës së fortë.

Sipas informacionit që jep Kapiteneria e Vlorës lundrimi detar i anijeve të vogla dhe ato të peshkimit por dhe nisja e trageteve të linjës do të vijojë të jetë i pezulluar të paktën deri në orën 15.00.

Pas kësaj ore, do të vlerësohet nëse tragetet e linjës do të jenë sërish në funksion apo dhe nëse do të lejohet lundrimi i mjeteve të peshkimit dhe anijeve të vogla.