LIGJET E BIZNESIT
Kryeministri Edi Rama ka mbledhur në takim drejtuesit vendorë të qarkut të Vlorës vetëm një ditë pasi deklaroi se do të kandidojë si deputet në këtë qytet për zgjedhjet e vitit 2021. Takimi po mbahet në teatrin “Petro Marko” pa praninë e medias, ndaj mbetet e paqartë se cila do të jetë tema e diskutimit të Ramës me drejtuesit vendorë.
Kujtojmë se ditën e djeshme konfirmoi se nuk do të kandidojë përballë Bashës në Durrësi pasi nuk mund të heqë dorë nga qyteti i tij.
“Mos hapni llafe që s’do jem në Vlorë. Bëni kujdes se çfarë dëgjoni. Çfarë nuk dëgjohet sot në Shqipëri. Unë në Vlorë kam qenë edhe përpara se të bëhesha kryetar i PS, edhe kur u bëra dhe jam tani. Në Vlorë do jem edhe po të mos jem kryeministër, se do kem më pak angazhime.Në Vlorë kam qenë kur kam qenë Më ikën mendja kur thonë dil shiko realitetin. Këta që më thonë mua kështu nuk do bëjnë dot në jetën e tyre aq metra sa kam bërë kilometra në Shqipëri. I kam rënë cep më cep sa e di nga rruga ku jam kur e di se nuk ka valë telefoni.
Kjo nuk është ndonjë zotësi por s’do kem nevojë të bëj shumë km por do bëj shumë metra në Vlorë që më ka lidhur fati, familja dhe dashuria për këtë bukuri të pazbuluar. Jemi këtu për ta zbuluar këtë bukuri që Vlorës ti dalë zëri gjithandej jo vetëm në shqip por në të gjitha gjuhët si vendi ku mund të shkosh dhe të shijosh bukuritë e natyrës dhe mikpritjen e vlerat e krijuara bashkë me njerëzit”, u shpreh kryeministri dje.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
