‘Largohuni se..’ Zbulohet arsyeja pse nuk u dorëzua Lefter Zhidru, ja çfarë i tha shokëve pasi plagosi 2 të rinjtë

Vijojnë të dalin detaje të reja nga ngjarja që tronditi Elbasanin ditën e djeshme.

71-vjeçari Lefter Zhidru u ekzekutua nga RENEA pas 5 orësh negociata, sepse nuk pranoi të dorëzohej pasi kishte dhunuar bashkëshorten dhe qëlluar mbi efektivët e policisë.

“Largohuni se dy i vrava”, mësohet se i ka thënë i moshuari 2 miqve në momentin që po largohej për të shkuar te banesa në të cilën u ngujua për orë të tëra.

Një prej detajeve të pasqaruara ishte dhe arsyeja se përse Zhidru qëndroi për kaq gjatë dhe nuk u dorëzua.

Sipas informacioneve ai ka kujtuar se ka vrarë dy të rinjtë, që në fakt vetëm i kishte plagosur.

“Largohuni se dy i vrava, juve do ju hedh trutë në erë“, i ka thënë Zhidru dy miqve.

Dy të rinjë shpëtuan fatmirësisht duke mbetur vetëm të plagosur dhe jashtë rrezikut për jetën.