Kryente marrëdhënie s*ksuale me dhunë/ Arrestohet 35-vjeçari, ishte dënuar nga gjykata e Tiranës (VIDEO)

Policia e Shtetit ka arrestuar sot një person të shpallur në kërkim për veprën penale “Marrëdhënie seksuale me dhunë me të rritura”.

Mësohet se nga forca e posaçme “Shqiponjat” e DVP Shkodër, në bazë të informacioneve të marra në rrugë operative, u bë kapja dhe ndalimi i shtetasit K.Rr. 35 vjeç, banues në fshatin Bardhaj, Shkodër, njoftoi policia.

Ky shtetas ishte i shpallur në kërkim, pasi Gjykata e Shkallës së Parë Tiranë, në datën 25.04.2019, i ka caktuar masën e sigurisë “Arrest në burg”, për veprën penale “Marrëdhënie seksuale me dhunë me të rritura”, shtuan të njëjtat burime.

35-vjeçari iu dorëzua shërbimeve të Komisariatit të Policisë Nr. 6 Tiranë, për veprime të mëtejshme.