‘Ke mësuar gjuhë tjetër në Kamëz?” Plas te Komisioni i Ligjeve, Ulsi Manja sherr me deputetin: O zotëri ke nevoje për përkthyes

Mbledhja e sotme në Komisionin e Ligjeve për të diskutuar ndryshimet në Kodin Zgjedhor dhe draftin e PS për hapjen e listave, është mbyllur me tensione të larta.

Ulsi Manja, i cili është dhe kreu i këtij komisioni, është përplasur me deputetin e opozitës së re Korab Lita.

Ndërkohë palët kanë rënë dakord që të hartohet një propozim i integruar që “shkrin” propozimet e deritanishme.

“Ore ti a je në mbledhje apo në Këshill Politik. O zotëri më duket se fola shqip. Ti ke nevojë për përkthyer të përkthej shqip se ke mësuar atje të në Kamëz gjuhë tjetër. Kemi tre nisma dhe do bëjmë një tekst të integruar. Ramë dakord? Nuk ke rënë ti? Atëherë kur të biesh ti do biesh mbrapa. Andi Përmeti qenka kundër ndryshimeve në Kodin Zgjedhor. Tërhiqeni dhe amendamentin se e keni sjellë kot.

Zoti Lita ty do të duhen edhe dy vjet të tjera të mësosh rregulloren e Kuvendit se nuk të mjaftojnë dy vjet. Me votimin në parim mos hy në muhabete të tjera se nuk më mëson rregulloren ti mua se ke mbetur me një këmbë te PD-ja e vjetër dhe me një këmbë të lëvizja e Murrizit. Gjiknuri, Bushka, Murrizi dhe Lita nëse i japin leje të shkojnë në komision bashkë me relatorin Adnor Shameti”, tha Manja.