LIGJET E BIZNESIT
Presidenti Ilir Meta nuk i ndal akuzat ndaj mazhorancës.
Të njëjtën gjë ka bërë dhe ditën e sotme duke u shprehur se në Shqipëri ka politikanë që punojnë kundër interesit të vendit.
Deklaratën e fortë Kreu i Shtetit e bëri gjatë një prononcimi për mediat.
Ai u shpreh se nga palët politike pret kodifikimin e marrëveshjes së 5 qershorit si dhe listat të jenë të hapura 100%.
“Çështja më e rëndësishme është se sot ne kemi politikanë, që qartazi dhe hapur, që për fat të keq, punojnë kundër interesit të shqiptarëve dhe integrimit. Interesi i integrimit, është i pari interes kombëtar. Çdo dalje tjetër është në shërbim, si të sillesh si nënkontraktor, i një fuqie antishqiptare. Ne presim dhe unë pres kodifikimin e marrëveshjes së 5 qershorit. Hapja e listave 100% duartrokitet nga unë në mënyrën më të dashur. Këtë se bëj se nuk kandidoj. Kam krijuar një forcë politike nga zero. Në atë kohë siguronin veten në listë kryetarët. Atëherë kam deklaruar se nëse nuk e marr mandatin maxhoritar, largohem nga jeta politike. Nuk them; mos bëj ça bëj unë.. Shqipëria nuk ka parlamentarizëm, pasi s’ka debat dhe mbrojtje interesash për shqiptarët. Pasi deputetet, në tërësinë e tyre, jo të gjithë, kanë kthyer në kukulla të kryetarëve.”, tha Meta.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Teksa u pyet në lidhje me afatin e vendosur nga maxhoranca për të arritur në një konsensus për Kodin Zgjedhor para 30 qershorit, Meta tha se nuk merret me direktiva të brendshme.
“Unë nuk do të merrem me direktivat e brendshme apo publike që jepen në këtë drejtim. Unë di një gjë se si përfaqësues i kombit dhe si kryetar i shtetit; nëse dikush do të përpiqet që të barazojë fatin e tij me fatin e të gjithë shqiptarëve dhe të marrëdhënieve europiane të Shqipërisë s’do më vijë keq për fatin e tij. Ju mendoni se kjo është konferenca e fundit para 25 prillit?! Ja u bë sot. Se ditën e enjte jemi për Vjosën, që të mbrojmë lumenjtë e Shqipërisë. Këto pasuroi që gëzojmë sot nuk janë vetëm tonat, por dhe të gjeneratave që do të vijnë. Shqipëria do të jetë më e fortë dhe mbas 25 prillit.”, pohoi presidenti.
