‘Ja çfarë e pret Shqipërinë të premten dhe të shtunën’ Metereologu i njohur grek lëshon alarmin e fortë

Shqipëria sot është përfshirë nga reshje shiu dhe mot me vranësira në të gjithë territorin e vendit.

Por mesa duket më e keqja nuk ka mbërritur ende.

Meteorologu i njohur grek Klearhos Marousakis ka dhënë alarmin, duke thënë se gjatë të premtes dhe të shtunës priten reshje të dendura shiu të shoqëruara me rrufe në një pjesë të mirë të territorit të Shqipërisë, kryesisht në jug dhe veri-perëndim, të cilat sipas tij do të shkaktohen nga re të ngarkuara me shira të shumtë duke rrezikuar përmbytje të shumta.

Gjithashtu Marousakis jep alarmin dhe për Greqinë duke thënë se ata duhet të marrin masa, por siç duket edhe nga hartat e publikuara prej tij, reshjet masive do të vërehen fillimisht në territorin shqiptar gjatë të shtunës për të kaluar më pas në shtetin helen.