I shpëtoi plumbave të Lefter Zhidrut, flet komandanti i forcave ‘Shqiponja’: Për pak do takohesha me Zotin

Ditën e djeshme mori pjesë në operacionin për arrestimin e 71-vjeçarit Lefter Zhidru, i cili qëlloi me armë në drejtim të policisë dhe nuk pranoi të dorëzohej as pas 5 orësh negociata.

Ndërkohë Xhaferri ka reaguar në rrjetet sociale me anë të një postimi.

“Për pak do shkoja  të prezantohesha me zotin e madhërishëm. Fatmirësisht ende jo”, shkruan ai, referuar situatës së djeshme.

Kujtojmë se 4 efektivët e Shqiponjave sapo kanë shkuar në derën e shtëpisë të 71 vjeçarit, befasisht në katin e dytë u përballën me plumbat.
Falë aftësive të larta profesionale, ata kanë reaguar menjëherë dhe janë ngjitur në katin e tretë të pallatit, duke iu shpëtuar mrekullisht plumbave.

Më pas, ata kanë kërkuar ndihmën e RENEAS dhe pas 5 orësh negociata, u vendos për ekzekutimin e 71-vjeçarit i cili nuk ndali të shtënat me kallash dhe kishte gati kallëpe të tëra tritoli në ambientet e shtëpisë.