Një automjet i llojit “Porsche Cayenne” me targa AA 648 US, është gjetur i braktisur në Elbasan. Mësohet se ‘bisha luksoze’ është gjetur e braktisur pranë lumit Shkombin.
Ky automjet, mësohet se është makina që një ditë më parë gjatë një kontrolli të bujshëm nga forcat RENEA që u zhvilluan në Elbasan, nuk u ndalua. Efektivët i dhanë urdhërin e ndalimit, por makina e shtrenjtë ‘fluturoi’ me shpejtësi skëterrë dhe u zhduk nga sytë e uniformave blu.
Ende nuk dihet se kush udhëtonte në këtë makinë që dje u ‘zhduk’ dhe sot u gjet e braktisur. Ndërkohë, në Elbasan dhe në shumë qytete të tjera, si Tirana, Durrësi, Kruja etj, po ushtrohen kontrolle të bujshme nga Policia e Shtetit.
Pas arrestimit të Erion Alibejt, efektivët janë në kërkim të të rrezikshmëve të tjerë.
