Një ngjarje e rëndë ka ndodhur mëngjesin e sotëm në lagjen nr.1 të qytetit të Sarandës.
Mësohet se është plagosur me thikë në gjoks një përmbarues privat.
Ai është identifikuar si Baftjar Nela, dhe është dërguar në spital ku po merr ndihmën e nevojshme mjekësore.
I plagosuri ka deklaruar se është plagosur nga Aleksandër Camandioti.
Nela shkoi për të dorëzuar njoftim për masë sigurie të 2 apartamenteve kur ndodhi plagosja.
Në dëshminë e tij dhënë para efektivëve të policisë, ai ka rrëfyer se e ka goditur Aleksandër Camandioti gjatë kohës që po dorëzonte njoftimin.
