Ditën e sotme prokuroria ka kërkuar burg përjetë për Hysnie Hoxhallarin, e cila vrau bashkëshortin dhe vjehrrën e saj, duke i djegur të gjallë.
Ngjarja makabre ndodhi në 22 janar të vitit 2018, ku nënë e bir Olsi dhe Selkie Hoxhallari u qëlluan me sëpatë dhe më pas iu vu flaka në banesën e tyre nga nusja e shtëpisë, pasi i kapën bisedat me të dashurin e saj Kasem Pirjasi.
Që nga viti 1995 është hera e parë që kërkohet dënim i përjetshëm për një grua.
Pasi u kap mat në tentativë për të zhdukur disa karta telefoni “sim”, policia arriti që të zbardhë ngjarjen e plotë të krimit.
Nga tabulatet telefonikë, komunikimet e Hysnie Hoxhallarit me të dashurin e saj Kasem Pirjasi nisnin çdo ditë nga ora 06:30 minuta e mëngjesit, deri në 00:30 të mbrëmjes, vetëm gjatë ditëve që bashkëshorti i Hysnies, viktima Olsi Hoxhallari ndodhej në Greqi. Kasem Pirjasi ka kërkuar nga Krimet e Rënda t’i heqin arrestin, pasi vrasja është kryer vetëm nga Hysnia. Tashmë të dy rrezikojnë burgim të përjetshëm për shkak të krimit makabër që kanë bërë në bashkëpunim.
