Mesditën e sotme janë krijuar sërish rradhë të gjata në Kapshticë.
Sipas policisë kufitare ka qenë pala greke ajo që ka pezulluar punën, pasi është plotësuar kuota ditore e lejimit të 300 personave.
Ndërkohë qytetarët në rradhë për të kaluar doganën, do të duhet të presin deri nesër.
“Njoftojmë të gjithë qytetarët që janë të interesuar të kalojnë në drejtim të shtetit grek, se aktualisht kuota prej 300 shtetas është plotësuar dhe nga ana e policisë greke është pezulluar puna e nuk do të lejohet kalimi i personave të tjerë për ditën e sotme”, njofton policia.
Policia Kufitare apelon për qytetarët që duan të udhëtojnë në drejtim të Greqisë, që të mos vijojnë udhëtimin në drejtim të PKK Kapshticë për ditën e sotme.