LIGJET E BIZNESIT
Vijon situata e rënduar në Elbasan.
Një person ka qëlluar me armë zjarri në drejtim të efektivëve të policisë.
Si pasojë e të shtënave janë plagosur lehtë dy kalimtarë të rastit, të cilët aktualisht ndodhen në spital.
Ndërkohë uniformat blu janë pozicionuar në vendin e ngjarjes dhe kanë vendosur perimetrin e sigurisë duke i bërë thirrje personit të dorëzohet.
Ai është identifikuar si Lefter Zhidru 71-vjec, i cili ka patur një konflikt me bashkëshorten e tij, shtetasen me iniciale F.Zh.
Drejt Elbasanit janë nisur dhe forcat RENEA.
Pasi u sinjalizuan për rastin në fjalë, efektivet shkuan drejt vendngjarjes, në lagjen ‘11 nëntori’ ndërsa i ka bërë thirrje personit në fjalë që të dalë nga banesa. Pavarësisht thirrjeve, Lefter Zhidru i ka bërë rezistencë policisë, duke hapur zjarr ndaj tyre.
NJOFTIMI ZYRTAR I POLICISE
Elbasan/Informacion paraprak
Më datë 24.09.2020, rreth orës 13:20, në lagjen “11 Nëntori”, Elbasan shtetasja F. Zh., ka patur një konflikt me bashkëshortin e saj, shtetasin Lefter Zhidru, 71 vjeç, i cili në momentin që ka shkuar Policia është futur në banesë dhe ka qëlluar dhe vijon të qëllojë me armë zjarri kallash në drejtim të forcave të Policisë.
Forcat Shqiponja dhe Patrullat e Përgjithshme janë pozicionuar dhe kanë vendosur perimetrin e sigurisë dhe vijojnë t’i bëjnë thirrje këtij shtetasi të dorëzohet, i cili vijon të bëjë rezistencë duke qëlluar vazhdimisht në drejtim të Policisë.
Si pasojë e të shtënave janë plagosur jashtë rrezikut për jetën dy shtetas, L. S., 22 vjeç dhe A. K., 21 vjeç, kalimtarë të rastit, në momentin që ky shtetas ka filluar të qëllonte me armë në drejtim të Policisë.
Në ndihmë të Policisë lokale janë nisur menjëherë forcat e FNSH dhe të RENEA-s, për të bërë neutralizimin dhe kapjen e shtetasit që vijon të qëllojë me armë në drejtim të Policisë.
Shtetasi Lefter Zhidru vijon të qëllojë me armë duke bërë rezistencë edhe pas thirrjeve të pandërprera të Policisë.
Banesa nga e cila po qëllon ky shtetas është e rrethuar dhe Policia ka vendosur një perimetër të gjerë rrethimi, për të parandaluar dëmtimin e kalimtarëve të tjerë të rastit.
