Basha vihet në lëvizje/ Mbledh aleatët për takimin me rëndësi, ja çfarë do diskutohet

Kryetari i Partisë Demokratike Lulzim Basha pritet të zhvillojë sot një takim të rëndësishëm me aleatët.

Kjo mbledhje do të mbahet sot në orën 15:00 në selinë blu.

Takimi vjen në kohën kur Këshilli Politik ende nuk e ka gjetur një zgjidhje.

Opozita dhe mazhoranca janë përlasur për ndryshimet në Kodin Zgjedhor që ka të bëjë me hapjen e listave.

Nga njëra anë është opozita me kërkesën e saj që koalicionet parazgjedhore të mos hiqen dhe listat të happen 100%, ndërsa nga ana tjetër Partia Socialiste ka sjellë në tryezë draftin me lista të hapura por me kushte, si dhe ndalimin e koalicioneve dhe prag zgjedhor 3%.