“Basha do ta ketë të vështirë…”, habit me deklaratën Dashamir Shehi, ja ç’ka bërë Rama

Nëse vitin tjetër do të vijë në pushtet PD dhe Basha do ta ketë shumë të vështirë qeverisjen për shkak të borxhit të madhe që ka marrë Rama. Deklarata është bërë nga aleati i Lulzim Bashës në Opozitën e Bashkuar, Dashamir Shehi.

“Rama ka për qëllim të përçajë opozitën. Ndërkombëtarët besoj se e kanë kuptuar tashmë pas 7 vjetëve se kush është. Nuk besoj se këtu ka ndërkombëtarë të rinj, aq më pak amerikanë të rinj, se dosjet janë atje. Nuk besoj se kur vjen një ambasador i ri e fillon nga zero.

Shqiptarët e kanë kuptuar, asnjë investim s’ka, të huajt u larguan, të largohen dhe shqiptarët. Shqiptartë duhet t’i vënë gishtin kokës. Unë i ftoj shqiptarët të reflektojnë me gjakftohtësi, të bëjnë një bilanc te soba e vetë, çfarë i ka bërë ky Edi Rama në këto 7 vjet? Nëse rezulton se i ka përmirësuar jetën një gisht, 5%, le ta votojnë. Rrogat vetëm të drejtorëve janë rritur, që blejnë vila, nuk po them se dhe ata të parët nuk kanë bërë. Ne nuk premtojmë mrekulli, ne premtojmë një shtet normal dhe kjo është shumë e vështirë se ky vetëm PPP ka lënë 2 miliard borxh, jo më 6-7 miliard. Shqiptarët do të shlyejnë 20 vjet borxhet e këtij. Kushdo që të vijë do ta ketë shumë të vështirë”, ka deklaruar Shehi ndër të tjera.