Atentati ndaj Preng Gjinit/ Identifikohet një i dyshuar, si i pyeti kamarierët në italisht dhe çfarë fiksuan kamerat

Vijojnë të zbardhen detaje të reja nga atentati me tritol që tronditi Tiranën 15 shtatorin e këtij viti, ku mbeti i plagosur rëndë shtetasi Preng Gjini.

Ndërkohë mësohet se Prokuroria e Tiranës dhe grupi hetimor i Krimeve të Rënda kanë identifikuar një person, i cili del në kamerat e sigurisë ku ndodhi shpërthimi.

Ai largohet me vrap, teksa në krahë ka të hedhur një çantë të kuqe, është i veshur me xhinse dhe me kapele në kokë si dhe bluzë të zetë.

Ky person shfaqet gjatë kohës që Preng Gjini po pi kafe duke vëzhguar në distanë.

Kamarierët e një lokali afër perimetrit ku ndodhi shpërthimi i thanë grupit të hetimit se ky person i kishte pyetur në gjuhën italiane.

Por prokurorët dyshojnë që në të vërtetë ai është shtetas shqiptar.

Gjithashtu mendohet se ai është i afërt me familjen Reçi.

Pikërisht në lidhje me këtë ngjarje sot u mbajt një takim Polici-Prokurori mes drejtuesve të dy institucioneve. Dyshohet se atentati ndaj Gjinit erdhi për shkak të prishjes së pazareve të drogës mes familjeve Reçi e Gjini.