Shuhet në moshën 76 vjeçare, shkrimtarja e njohur për fëmijë Shpresa Vreto.
Ajo është autore e librave për fëmijë, ku mes tyre ka bërë edhe disa skenare për filmat artistikë dhe filmat e animuar.
Në vitin 1978 ka shkruar skenarin e filmit vizatimor “Mirela” dhe në vitin 1981 do të realizonte së bashku me Xhanfize Kekon skenarin e filmit “Kur xhirohej një film”. Pas pesë vitesh del e vetme si autore e filmit “Fillim i vështirë”.
Me Petrit Rukën ka bashkëpunuar në filmin “Një djalë dhe një vajzë” në vitin 1990. Ndërsa, disa nga librat që ka shkruar Vreto janë: “Shokë Shkolle”, “Vit i paharruar” etj.
Pas viteve 1990 ka ideuar “Sirena e vogël” dhe “Bota ime”. Gjithashtu ka drejtuar një bibliotekë për fëmijë, për rreth 12 vite rresht.