Aksidenti i rëndë/ Përgjaket mbrëmja, humb jetën një person

Një aksident i rëndë me pasojë vdekjen ka ndodhur mbrëmjen e sotme në Orikum. Viktimë ka mbetur një shtetas që ka qenë duke udhëtuar me biçikletë dhe është përplasur nga një automjet tip Pasat me drejtues shtetasin Dh.Q., 23 vjeç

Aksidenti është shkaktuar nga mungesa e ndriçimit në rrugë. Në vendin e ngjarjes ka mbërritur ambulanca dhe policia që po punon për zbardhjen e rrethanave të aksidenti.

Vlorë/Informacion paraprak: Rreth orës 20:00, në aksin rrugor Orikum-Llogara, automjeti tip Passat, me drejtues mjeti shtetasin Dh.Q., 23 vjeç, banues në Fshatin Dukat, Vlorë, ka përplasur një shtetas ende të paidentifikuar i cili lëviste me biçikletë dhe për pasojë ka ndërruar jetë.

Drejtuesi i mjetit është shoqëruar në Komisariatin e Policisë Vlorë, për veprime të mëtejshme. Në vendngjarje ndodhet grupi hetimor dhe po punon për zbardhjen e plotë të rrethanave të ngjarjes.