Pas ‘krisjes’ së marrëdhënieve mes kryeministrit Edi Rama dhe ministrit të Brendshëm Sandër Lleshaj, zërat thanë se ky i fundit do të zëvendësohet nga sekretari i Përgjithshëm i PS Taulant Balla.
Ndërkohë, i pyetur nga gazetarja Entela Duka nëse e tundon propozimi për ministër të Brendshëm, Balla ka deklaruar: “Ju garantoj që kjo nuk është një çështje unë ka vëmendjen time sot. Unë jam sekretar i përgjithshëm i PS dhe Kryetar i Grupit Parlamentar në PS dhe drejtues politik në Elbasan. Është një nder për mua të siguroj fitoren e radhës së Partisë Socialiste në këtë qark.”
Më pas, numri dy i Partisë Socialiste i ka cilësuar si thashetheme zërat se do të propozohet nga strukturat si ministër i Brendshëm.
“Ndaj unë nuk dua të bëhem pjesë e këtyre thashethemeve mediatike, por dua të vlerësoj që PS e Shqipërisë i qëndron besnik kësaj aleance me njerëzit dhe nga ky proces do të kuptojmë se ku duhet të përmirësojmë përfaqësimin tonë politikë”, është shprehur Balla.