LIGJET E BIZNESIT
Një nga pyetjet që u shtrua gjerësisht së fundmi është se në rast se opozita fiton zgjedhjet e 25 prillit të vitit të ardhshëm, a do të jepte dorëheqjen presidenti Ilir Meta për tu bërë Ministër i Brendshëm.
Por Kreu i Shtetit ka dalë sot në një konferencë për shtyp ku i ka mohuar këto zëra.
Meta u pyet lidhur me raportimet në media që flisnin për një largim të mundshëm të tij nga drejtimi i Presidencës për të marrë pjesë në kabinetin e ri qeveritar, në rast se opozita arrin të mundë Ramën.
Presidenti u shpreh se ka qenë i gatshëm për të lënë detyrën që ky kaos politik në vend të marrë zgjidhje dhe të garantohen zgjedhje të lira dhe të ndershme.
“Presidenca do të jetë kështjellë në mbrojtje të Kushtetutës ashtu siç ka qenë” shtoi Meta, fjalë këto me të cilat ai hedh poshtë zërat se do të lërë detyrën përpara mbarimit të mandatit.
