Vrasja në Gjirokastër/ Zbardhet ngjarja, ja si e goditi bashkë-udhëtari Gëzim Saraçin

Ditën e sotme është gjetur një 57-vjeçar i vrarë në Gjirokastër.

Detaje të reja janë zbardhur nga kjo vrasje, ku viktima është Gëzim Saraci. Gjithashtu është bërë e ditur se personi që ka kryr krimin po udhëtonte në të njëjtin mjet me viktimën, në kamionçinë ku dhe u gjet i pajetë 57-vjeçari.

Gjatë rrugës, Saraçi dhe autori emri i të cilit nuk dihet ende, kanë pasur një konflikt për motive të dobëta. Sherri ka agravuar dhe autori i vrasjes e ka goditur me sende të forta në kokë Saraçin, duke bërë që ky i fundit të humbasë jetën.

Më pas, ai e ka lënë të vdekur në kamionçinë dhe është larguar për të humbur gjurmët. Ngjarja e rëndë ndodhi në aksin rrugor Polican-Suhë.

Policia ka nisur kërkimet, ndërkohë që pritet të zbardhet edhe shkaku i sherrit që solli një viktimë.