LIGJET E BIZNESIT
Vendi ynë është pushtuar nga një sërë vatrash zjarri së fundmi. Pas kësaj situate ka reaguar edhe drejtori i përgjithshëm i i Agjencisë Kombëtare të Mbrojtjes Civile, Haki Çako.
Në një deklaratë për median, Çako është shprehur se nga muaji janar në korrik janë evidentuar 329 vatra zjarri.
Sipas drejtorit të AKMC, zjarrvëniet kanë qenë të qëllimshme dhe se policia ëshët duke punuar për arrestimin e autorëve .
Çako i është drejtuar edhe bashkivë, që nuk janë treguar mjaftueshëm bashkëpunues në këtë situatë. Sipas tij, bashkitë kanë kërkuar menjëherë ndihmën e Emergjencës Civile pa ezauruar të gjitha kapacitetet e tyre dhe për këtë do të mbajnë përgjegjësi, pasi është në shkelje të ligjit.
“Temperaturat e larta janë shkaku kryesor i zjarreve, por edhe nenglizhenca dhe pakujdesia e banorëve të zonës, në shumë raste ka qenë zjarrvënie e qëllimshme, për të cilën Policia e Shtetit po heton. Në muajin janar deri në korrik janë evidentuar 329 vatra zjarri, ku vetëm për muajin korrik janë janë evidentuar 168 vatra zjarri. Bashkitë më të prekura janë shkodra, Fieri, Gjirokastra, Kuksi, Tirana, Elbasani, etj. Agjencisë Kombëtare të Mbrojtjes Civile gjatë kësaj periudhe ka kryer edhe rolin e kontrolluesit dhe hetuesit. Disa bashki ende sot nuk po përdorin asetet e deklaruara për emergjencat. Bashkitë, të parat që duhet të përballojnë fatkeqësitë. Disa bashki kërkojnë ndërhyrjen e FA pa ezauruar më parë kapacitetet e tyre. Sipas ligjit, FA ndërhyjnë vetëm pas ezaurimit të resurseve në nivel vendor. Bashkitë që nuk zbatojnë ligjin do të përballen me penalitete. Po ndjekim në kohë reale situatën në çdo vatër zjarri. FA janë në gatishmëri të plotë për t’ju përgjigjur çdo përkeqësimi situate. Pushteti vendor dhe Policia të bashkëpunojnë për gjetjen e autorëve të zjarreve”, tha Çako.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
