Ditën e sotme, ministrja e Shëndetësisë dhe Mbrojtjes Sociale Ogerta Manastirliu, bashkë me ekspertët e shëndetit publik, prezantuan strategjinë e testimit si dhe gjurmimit të rritjes së kapaciteteve laboratorike.
Ndërkaq, që prej fillimit të pandeimisë është trefishuar numri i testimeve, ndërsa Manastirliu bëri të ditur se po zgjerohen akoma më shumë kapacitetet, duke filluar nga muaji Shtator.
“Po bëjmë cdo përpjekje që kemi në dorë, për tju përgjigjur situatës së pritshme në vjeshtë dimër. Struktura jonë kombëtare e testimit duhet të sigurojë që të përballohen kërkesat për testim dhe diagnostikim për qytetarët e dyshuar të prekur nga COVID19. Në kuadër të zgjerimit të mëtejshëm të mbulimit me teste, po punohet që nga Shtatori të realizohet dyfishimi i testimeve”, tha Manastirliu.
Në prezantimin e planit të vjeshtë-dimrit për rritjen e kapaciteteve të testimit, Ministrja e Shëndetësisë dhe Mbrojtjes Sociale parashtroi fuqizimin e disa elementëve të rritjes së survejancës, testimit, gjurimitt dhe kapaciteteve laboratorike.