Sot moti ka surpriza/ Jo vetëm temperatura të larta, por dhe reshje shiu në këto qytete

Sot pritet të ketë reshje lokale shiu kryesisht në zonat veriore të Shqipërisë.

Ndërsa temperaturat priten të jenë sërish të larta.

Të dhënat bëhen me dije nga Instituti i Gjeoshkencave, Energjisë, Ujit dhe Mjedisit.

Sipas parashikimit ditën e sotme (e martë) priten reshje të dobëta në qarqet Shkodër, Kukës dhe Lezhë, ndërsa në qarqet e tjerë priten reshje lokale të dobëta (siç tregohet në tabelë, respektivisht për secilin qark).

Temperaturat

Të martën temperaturat minimale dhe maksimale të ajrit pritet të arrijnë:

në bregdet: 22 / 30°C

në vendet e ulëta: 21/ 32°C

në vendet malore: 14 / 28°C

Era

Të martën era pritet të fryjë e lehtë deri mesatare.

Zjarret në pyje

Të martën pritet nivel ‘i moderuar’ rreziku në shumicën e qarqeve dhe nivel ‘i ulët’  vetëm në qarqet Kukës, Dibër, Korçë (siç tregohet në tabelë, respektivisht për secilin qark).

Në qarqet Dibër dhe Korçë rreziku pritet të jetë ‘i moderuar’ në zona të lokalizuara, konkretisht: Dibër (Lindje dhe Perëndim) dhe Korçë (Lindje dhe Perëndim).