LIGJET E BIZNESIT
Kryeqyteti i Libanit, Bejrut është goditur nga disa shpërthime të fuqishme, ku si pasojë kanë humbur jetën afro 50 persona dhe janë plagosur mbi 3000 të tjerë.
Spitalet janë jashtë kapacitetit të tyre e nuk mund të përballojnë dot të plagosurit.
Kjo situate ka prekur edhe guvernatorin e Bejrutit, Marvan Abud, i cili para gazetares shpërtheu në lot.
Derisa përreth tij shiheshin rrënojat e ndërtesave dhe objekteve tjera afariste, Abud këtë katastrofë e ka krahasuar me sulmet bërthamore në Hiroshima dhe Nagasaki që kanë ndodhur gjatë Luftës së Dytë Botërore.
Dyshohet se shpërthimi ka ndodhur në një depo të materialeve shpërthyese pranë portit detar të qytetit, por shkaku i saktë ende nuk dihet.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Abud ka konfirmuar se ka shpërthyer një zjarr i madh dhe se ekipet e zjarrfikësve kanë dalë në vendin e ngjarjes duke tentuar ta lokalizojnë, kur për një moment janë zhdukur.
“Po i kërkojmë, në këto momente 10 prej tyre konsiderohen të zhdukur. Duket sikur ajo çfarë ka ndodhur në Japoni në Hiroshima dhe Nagasaki. Kjo ma kujton atë ngjarje. Gjatë tërë jetës sime nuk kam parë shkatërrime të këtyre përmasave. Është një katastrofë nacionale”, ka thënë Abud duke mos mundur të ndalë lotët.
Beirut governor is literally crying while talking about the explosions, who likens them to Nagasaki and Hiroshima attacks pic.twitter.com/YPHqd1Sq2d
— Ragıp Soylu (@ragipsoylu) August 4, 2020
