LIGJET E BIZNESIT
Që prej 5 muajsh që pandemia ka hyrë në vendin tonë, Tirana është qyteti që mban rekord për numrin e të infektuarve dhe personave që kanë humbur jetën nga virusi.
Së fundmi gjatë një takimi me mjekët epidemiologët e kryeqytetit, ministrja e Shëndetësisë Ogerta Manastirliu u shpreh se institucionet shëndetësore po përgatiten dhe për periudhën e dimrit që situata të mos jetë shqetësuese me rrezikun që pritet të shfaqet nga virozat e stinës.
Ndërkohë bluzat e bardha u shprehen se rastet e konfirmuara janë përqendruar kryesisht në zonat rurale dhe lagjet e Tiranës. Ndër zonat më të prekura janë në Astiri, tek Fresku dhe tek Kodra e Diellit.
Po ashtu mjekët theksuan se ka një shtim të rasteve te moshat e reja dhe se është dyfishuar numri i grupeve në terren për gjurmimin e tyre.
“Në punën tonë prej 5 muajsh na ka ndodhur që kryesisht vatrat më të rëndësishme janë në zonat rurale tek Astiri, Fresku dhe kryesisht tek Kodra e Diellit. Kush është kryesore? Vatrat janë të transmetimit komunitar, sidomos me hapjen, sidomos me ceremonitë mortore, festash, ditëlindje që marrin pjese grumbullime të rinj, që kemi vënë re kohët e fundit”, u shpreh mjekja në videon që ka shpërndarë ministrja.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
