Sherri në ish-Bllok/ Lë qelinë njëri nga djemtë e ish-deputetit Babasi, tjetri në kërkim

Djali i ish-deputetit të Partisë Demokratike Ndriçim Babasi, la qelinë 10 ditë pasi u la në masën “Arrest me burg”. 22-vjeçarit Rois Babasi, i ka mbaruar afati i masës që Gjykata dha para dhjetë ditësh, dhe për pasojë është liruar.

Gjykata, ditën që dha masën e arrestit, shtoi se gjatë këtyre ditëve do të punohej për të siguruar prova të tjera në lidhje me përleshjen e ndodhur në zonën e ish-Bllokut.

Ndërkaq, në kërkim vijon të jetë djali tjetër i ish-deputetit Even Babasi. Ky i fundit akuzohet se ka plagosur me armë zjarri, 39-vjeçarin Gazmir Bushaj dhe për ‘armëmbajtje pa leje’.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern