Prej ditësh në rradhë/ Shqiptarëve u humbet durimi, bllokojnë rrugën në Kakavijë

Prej ditësh situata në pikën kufitare të Kakavijës është tepër e tensionuar, ku qindra qytetarë presin në rradhë kilometrike për të kaluar në shtetin grek.

Shkak për këtë është bërë marrja e tamponit nga fqinjët, përpara se udhëtarët të futen në territorin helen.

Ndërkohë duket se personave të pranishëm duket se u ka humbur durimi dhe kanë vendosur të zbresin nga makinat e tyre për të protestuar, duke bllokuar kështu rrugën nacionale Gjirokastër- Kakavijë.

Ata kërkojnë që të bëhet diçka për të eliminuar radhët e gjata dhe procedurat e zgjatura nga apla greke. Në rrugë ndodhen edhe makina policie.

Qytetarët gjithashtu akuzojnë punonjësit e ambulancave dhe efektivët e policisë se kanë kaluar njerëz pa radhë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

“Një makinë e kuqe në targë greke kaloi në kundra vajtje, policia e kaloi përpara nesh. Kanë marrë autobusat jashtë radhe dhe i kanë kaluar. Këto ambulancat nuk kanë qenë në shërbim të popullit, kanë qenë për të shtypur njerëzit. Ambulancat kanë marrë njerëz dhe i kanë kaluar lartë në doganë. Ku është ministri i Jashtëm. Si ka mundësi që tërë natën ambulancat lartë e poshtë duke transportuar njerëz për të kaluar kufirin, ndërsa sot s’ka asnjë ambulancë. Na shtypën edhe fëmijën,”– shprehen ata.