LIGJET E BIZNESIT
Paraditen e sotme gjykata ka dhënë masën e sigurisë ‘arrest me burg’ për shoferin e ambulances Admir Golemi, i cili aksidentoi për vdekje një fëmijë 10 vjeçar në pikën kufitare të Kakavijës, teksa ishte në pritje së bashku me familjen për të hyrë në shtetin grek.
Ngjarja e rëndë ndodhi tre ditë më parë në afërsi të kthesës së fshatit Bularat.
Ndërkohë avokati i të pandehurit, Çlirim Rabaj ka dhënë sqarimet dhe argumentet e klientit brenda normës së shpejtësisë së lejuar duke thënë se kishte zbatuar rregullat e vendosura.
Në dëshminë e tij shoferi shpjegoi rrjedhën e ngjarjes duke thënë se në momentin e aksidentit kishte në automjet një person të sëmurë, dhe po nxitonte për ta dërguar në spitalin e Gjirokastrës.
Sipas shoferit fëmija doli nga krahu i majtë i rrugës dhe shpejtësia e automjetit me të cilin po udhëtonte ishte me 75 km në orë.
Masa e sigurisë “arrest me burg” për Admir Golemin u dha nga gjykatësja Blerta Çibuku.
