“Po bëjnë kërdinë”/ Banorët e fshatrave të Fierit të alarmuar: Na rrezikohet jeta e fëmijëve

Banorët e disa fshatrave të Fierit, Povelç e Darzezë kanë shprehur shqetësimin e tyre se ujqërit dhe çakejtë po vënë në rrezik jetën e tyre.

Kafshët e egra janë shfaqur në pyllin e Bishtmbretit dhe po bëjnë kërdinë me shpendët e bagëtitë, madje po vënë në rrezik edhe jetën e fëmijëve.

“Ujku është pothuajse i përnatshëm këtu, po mos ta ndjejmë që në moment ai të bën hatanë. Para një muaji ma mori kafshën. Çakalli ka frikë nga ujku, kur nuk i ndjen çakejtë është ujku në zonë. Kur largohet ujku që këtu fillojnë çakejtë ulërijnë” u shpreh një banor.

ata kërkojnë që shteti të marrë masat e nevojshme, pasi blegtoria është e vetmja mënurë mbijetese për ta, ndërsa kryeplaku i fshatit thotë se brenda një nate kafshët e egra kanë ngrënë deri në 18 krerë bagëti.

“Sot e 3 vjet ka rënë ujku këtu në fshat dhe kanë ngrëne 18 krerë bagëti brenda në vathë. Kanalet janë pa pastruar dhe ai rri në kanal freskët. Edhe pardje po bën 2-3 ditë i ka marrë një gjitonit tonë këtu 3 krerë qengja. Ne këtë zanat kemi vetëm që rrimë mblidhemi familjarisht e ruajmë mallin që të mos hyjë këtu brenda” u shpreh ish-kryeplaku.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern