Mjeku plas “bombën”: Po detyrojnë mjekët që kanë kaluar COVID-19 të dhurojnë plazmën

Ministrja e Shëndetësisë dhe Mbrojtjes Sociale, Ogerta Manastirliu deklaraoi para pak ditësh se në vend ka nisur trajtimi i të infektuarve me koronavirus me plazmë, që është immune nga virusi. Kjo metodë mendohet se është tepër efikase, pasi përdoret edhe nga vende të tjera.

Pritet që metoda me plazmë imune të ulë numrin e vdekjeve nga koronavirusi, por duhet plazmë e personave që e kanë kaluar atë.

Mjeku i njohur Petrit Vargu i ka habitur të gjithë me akuzat e rënda që ka hedhur për qeverinë, pasi shprehet se mjekët e infektuar më parë po detyrohen të dhurojnë plazmën dhe kjo nuk është normale, pasi duhet të dhurohet vullnetarisht e jo me “dhunë”.

“Më është thënë se se po na detyrojmë mezor ne që jemi infektuar që të japin plazmën dhe kjo nuk është e drejtë. Siç e kujtojmë QSUT ka shumë personel të infektuar me shumicë dhe po i detyrojnë personelin mjekësor që të japin plazmën. Mendoj se të gjithë ne duhet të dhurojmë plazëm, por jo me detyrim, kjo duhet të bëhet me dëshirë.

Duhet të ketë një fushatë në të gjithë Shqipërinë, për të gjithë ato që të dhurojnë plazmën. Nuk duhet të ketë sëmundje shoqëruese dhe varet edhe nga mënyra sesi ka kaluar koronavirusin. Nuk e di sesi e ka organizuar, por di që po ministria detyron njerëzit dhe mjekët që të mbledhin plazëm.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Të gjithë mjekët e kanë të detyruar në Itali që çdo 5-7 ditë e kanë për detyrë që të bëjnë tamponin. Kurse këtu mjeku për ministrinë është njeriu më i përçudnuar. Mjekët nuk kanë nevojë që të jenë heronj por të bëhen mjekë me ndihmuar popullin.

Isha duke thyer televizorin kur shikova që shkon ministria gjasme takon dy pacientë në spital! Leji mjekët të punojmë, s’ka nevojë të shkojë ministria tek koka e pacientit. Është totalisht me vënë duart të kokë. “- tha Vargu.

Ai ka folur edhe për vendimin për të hapur shkollat, duke u shprehur se ky është një gabim, pasi qeveria nuk ka strategji se si do të zhvillohet mësimi, duke i kthyer këto shkolla në bomba infektimi.

“Është një bombë infektimi. Mësimi duhet të zhvillohet me distancë. Këto e kanë dopio 6 deri tani se asgjë nuk kanë bërë. Të bësh mësim, duhet të bësh investim. Cilat janë klasat në shkollë, ku do të zhvillohet, sa do të jetë distanca ndërmjet nxënësve? Këto nuk kanë përgjigje.”- tha Vargu në Fax News.