Plas ahengu në Patos/ Kërcejnë e këndojnë në dasëm, por në fund dalin 8 persona të infektuar

Prej 8 muajsh tashmë që pandemia e COVID19 ka hyrë në vendin tonë, qeveria dhe autoritetet e shëndetësisë bëjnë thirrje të herëpashershme që njerëzit të kenë kujdes dhe të marrin masa kundër infektimit.

Por pavarësisht këtyre mesazheve, duket se ka njerëz që qëndrojnë indiferentë ndaj grumbullimeve.

E njëjta gjë ka ndodhur së fundmi në Patos.

Mësohet se 8 persona janë të infektuar tashmë me koronavirus, pasi ishin në një dasëm në Zharrës.

Ajo që e bën edhe më të rëndë këtë ngjarje është se në dasëm kanë qenë të pranishëm një numër i madh personash, të cilët janë takuar edhe me njerëz të tjerë që nuk kanë qenë në dasmë, duke e bërë hetimin epidemiologjik shumë të vështirë.